Гадаад ачаа тээврийн даатгал (Байгууллага)
Даатгуулагчийн эзэмшил, хариуцлагад буй тээвэрлэгдэж буй ачаа, бараа
- Байгалийн
- Галын
- Цахилгаан эрчим хүчний
- Зам тээврийн хөдөлгөөний үеийн
- Тээвэрлэлтийн үеийн
- Гуравдагч этгээдийн санаатай болон санамсаргүй үйлдэл
- Хулгай, дээрмийн
Нэг удаагийн гэрээний хувьд:
Даатгалын үнэлгээг тогтоохдоо: Барааны нэхэмжлэл*(commercial invoice) дээрх нийт үнэ болон тээврийн зардлын дүнгийн нийлбэрийг нэмэлт 10%-аар “CIF+10%” өсгөн нийт үнэлгээг тогтооно. Эсвэл зөвхөн барааны нэхэмжлэл (commercial invoice) дээрх нийт үнээр тогтоож болно.
Даатгалын хураамжийн хэмжээг тооцохдоо:Тээвэрлэж буй барааны төрөл, бүс нутаг, ОУ-ын худалдааны нөхцөл, эрсдэлийн сонголт тээвэрлэлтийн төрөл зэргээс хамааруулан тогтооно.
Жилийн гэрээний хувьд:
Даатгалын үнэлгээг тогтоохдоо: Тухайн ААН, байгууллагын өнгөрсөн жилийн нийт импорт экспортын дүнгээр үнэлгээг тогтооно.
Даатгалын урьдчилсан хураамжийн хувийг тооцохдоо: Даатгуулагчийн өнгөрсөн жилийн нийт импорт, экспорт хийсэн ачаа бараа, улс орон, тээвэрлэлтийн төрөл, ОУ-ын худалдааны нөхцөл, эрсдэлийн сонголтуудаас хамааруулан хамгийн их хувийн жинтэй үзүүлэлтүүдийг үндэслэнэ.
Аль ч гэрээний хувьд олгохоор тооцсон нөхөн төлбөр*-ийг даатгалын зүйлд бүрэн сүйрэл*, эсхүл хэсэгчилсэн сүйрэл* тохиолдсоноос хамааруулан тогтооно.
Даатгалын үнэлгээг барааны нэхэмжлэлийн үнээр(commercial invoice) тогтоосон бол:
1. Бүрэн сүйрлийн үед: Даатгалын нийт үнэлгээний хэмжээгээр олгохоор тооцсон нөхөн төлбөрийг тогтооно.
2. Хэсэгчилсэн сүйрлийн үед: Даатгалын зүйлд учирсан хохирлын хэмжээгээр даатгалын үнэлгээнд багтаан олгохоор тооцсон нөхөн төлбөрийг тогтооно.
Даатгалын үнэлгээг “CIF+10%” нөхцөлөөр тогтоосон бол:
1. Бүрэн сүйрлийн үед: Даатгалын нийт үнэлгээний хэмжээгээр олгохоор тооцсон нөхөн төлбөрийг тогтооно.
2. Хэсэгчилсэн сүйрлийн үед: Даатгалын зүйлд учирсан сүйрлийн тогтоогдсон хувиар даатгалын нийт үнэлгээнээс олгохоор тооцсон нөхөн төлбөрийг тогтооно.
Даатгалын зүйлд хохирол учраагүй ч нэмэлт зардал* учирсан бол нэмэлт 10%-ийн хэмжээнд багтаан олгохоор тооцсон нөхөн төлбөрийг тогтооно.
- Даатгалын зүйлийн онцлог болон сав баглаа боодолтой холбоотой нөхцөлүүд;
- Тээвэрлэгч болон тээвэрлэлттэй холбоотой нөхцөлүүд;
- Нийгмийн шинжтэй нөхцөлүүд;
- Онцгой нөхцөлүүд;
- Газарзүйн нөхцөлүүд.